• Home
  • Geschichte
  • S’Märli vo de Zofiger Stadtmusikante

S’Märli vo de Zofiger Stadtmusikante

S’Märli vo de 2012 Zofiger Stadtmusikanten geschrieben von Nick Russi 
Es isch emol, vor langer, langer Zyt, wo’s uf dr Wält no Küng und Kayser gäh het, es chlyses Städtli gsy. Das Städtli het e spezielle Ruf gha. Nid wäg de normale Bruefslüt, wo me do wie i jedem Städtli atroffe het. Wie überall het’s ei Schneider gha, und zwöi Müller. Aber wüll das Städtli gärn e chly meh isch gsy als die angere, het’s nid nume zwöi Schmid gha, sondern sogar no zwöi Schmidiger. Alles het e chly tüürer und e chly besser sölle sy, und das het me a vilem agmerkt. Die Lüthi vo däm Städtli hei nid mit Stei bout sondern mit Steiner. Mängisch het de Steinmann sogar mit Lichtsteiner bout. D’Decher sy mit edlem Schindelholz deckt gsy, und vor jedem Fänschter het’s Bluem gha. S’isch ne egal gsy was es Kosts’ het eifach müesse Schöni usgseh. Jedi Wuche isch es ganzes Rodel vo Iwohner dür‘s Städtli zoge und het gwüscht, bis me niene meh weder e Stoub no es Stübigseh het. Do het’s khes Zauggund khes Zuttergäh, Liebhardisch me uf de Kneubühlerumekroche, het i jedem Hoferund Anderegg, us jedem Williseggerund Scheidegger füre putzt. De isch me Woodtli dür d'Kunz übadstross ufe Waldisberg ufe und het abe is Siegenthaler gluegt. Hallo und guten Morgen habt ihr dieses gesehen.
D'Lerch-e hei zwitscheret, und me isch im Schatt vo de Linde gsässe. (Denn het’s jo no Linde gha ...) „Schenk no chly y“, het de Hauri gruefe, und d'Zämp het em es wyters Kafi mit De Liquori übere gäh. Und alli hei trunke, bis sie ziemlich Mathys sy gsy.
Aber richtigi Fröid het glych nid wölle ufcho. Irgendöbbis het gfählt. „Mir chönnte jo e Gyger lo spile“, het de Mäder gmeint. „Humm“, het de Leuenberger nume brümmelet. „Das chöi mir dänk Fälber“, het do de Bugmann gseit, är isch immer scho e Merkli gsy. „Gottfried Huber, wieso hei mir die Idee nid scho früecher gha“, rüeft d'Meier.Ramanayaka“, also so öbbis wie „Heureka“, het d'Bühler gjublet. „Mir mache jetz Musik“.
Und so isch me schnurstracks is Städtli abe gloufe, het Blosinstrumänt kchouft und es Schlagzüg mit verschiedene Wullschleger derzue. Und de het me s’erschte Stück komponiert. Und wüll sie e Marsch nach Zofige hei gmacht, hei sie s‘erschte Stück „Zofiger Marsch“ touft. Und de hei sie afo spile, und spile, und spile. Jo, und so isch d’Stadtmusik entstande.
Und wenn sie noni gschtorbe sy, so spile sie no hüt - wienes Tröimli!

Nick Russi (2012) 

Drucken E-Mail

Wer sind wir

  • Martin "Bugi"

    Euphonium
  • Jürg

    Posaune
  • Dominique

    Klarinette
  • Jeannine

    Klarinette
  • 1
  • 2
  • 3
  • 4
  • 5

                  

Über uns

Wir sind ein Musikverein in der Schweiz, Kanton Aargau und spielen in der 2./3. Klasse.

Unser Probetag:
Dienstag, 20.00

Zusätzlicher Probetag:
Donnerstag, 20.00

Das Neuste

Homepage angepasst

Stadtmusik Zofingen 01. Januar 2019


Alles Neue auf unserer Homepage

Stadtmusik Zofingen die neusten Beiträge

Addresse

Stadtmusik Zofingen
Fegergasse 18
4800 Zofingen
+41 (0) 62 797 63 07
praesident @ stadtmusik-zofingen.ch

Kontaktformular

Links der Stadtmusik

Zofingen
Heitere Openair